Bid saam met ons vir baba Lumieke

 

Lumieke se naam beteken dat sy stralend is en lig sal voorsien.

Al moet Hoërskool Kanonkop oudleerlinge Alex en Johánrie Hall se babadogtertjie vier dae na haar geboorte ’n hartoperasie kry om ’n gaatjie te herstel en ’n gewas te laat verwyder, sê haar ouers dat sy beslis “hoop sal bring.”

Sy word op 13 Julie met ’n keisersnee in die Sunninghill Hospitaal gebore.

Die egpaar se verhaal het aan elke Hoërskool Kanonkop personeellid en leerling se hart kom vat.

“Ons bid saam met jul hele gesin”, is die boodskap wat die skool wil uitdra.



FOTO: Johánrie en Alex Hall saam met hul seuntjies, Zi-Jandré (6) en Divandré (4).

Kanonkop wil ook ook almal aanmoedig om so gou as moontlik bydraes te lewer vir die mediese kostes wat meer as R400 000 gaan beloop.

Enige skenkings kan ’n verskil maak.

Kliek net in op die onderstaande Back-a-Buddy profiel.

 https://www.backabuddy.co.za/campaign/baby-lumieke-hall

 ’n Gholfdag word ook kort voor haar geboorte op 2 Julie aangebied teen R2 500 per 4-bal span. Dit is ’n 2 Ball Alliance Scramble Drive en daar is plek vir 36 spanne.

Middelburgers kan inskryf vir die dag wat by die Middelburg Buiteklub aangebied word deur Gustav by 082 565 7692 te skakel.

Borgskappe tussen R3 000 en R8 000 (T Box en Green borge) sal welkom wees.

 

FOTO: ’n Gholfdag word aangebied om te help met die mediese uitgawes.

·       Die egpaar het hierdie week vertel van die skok toe hulle die nuus meegedeel is van Lumieke se hartprobleem tydens Johánrie se 23 weke 4D skandering.

FOTO: Die 4D skandering waar baba Lumieke se gesiggie gesien kan word. Tydens die skandering is gesien dat sy ’n gaatjie in haar hart het en dat daar ook ’n gewas in die hartjie groei.

Hulle het lank gebid vir ’n ou dogtertjie en hul twee seuntjies Zi-Jandré is (6) en Divandré (4) is net so opgewonde oor hul sussie wat kom.


 FOTO: Johánrie met Zi-Jandré is (6) en Divandré (4).

 Na die skandering is Johánrie dadelik na dr. dr. Jeff Harrisburg, pediatriese kardioloog verwys.

Alhoewel hulle ’n mediese fonds het, is die dokter en die hospitaal uitgekontrakteer.

Dit is hoekom daar dadelik begin is om fondse in te samel.

Johánrie meld dat hulle al R60 000 bymekaar kon maak. Dit is egter nog R340 000 weg van die basiese kostes.

“Ons dogtertjie groei normaal en het verlede week al 1.5kg geweeg. Sy sal ’n normale lewe lei na die operasie.”

Die dokters besluit nog of hulle die operasie deur Lumieke se lies of die tragia sal doen.

Hulle ontmoet die teaterspan nou Donderdag (11 Junie).

Johánrie is tans 31 weke swanger.

Hulle weet daar wag trauma oor hul dogtertjie se operasie wat voorlê, maar hulle plaas al hul hoop op die Groot Geneesheer wat Lumieke in Sy hand hou.

* “Dankie vir elke persoon wat al bygedra het,” is hierdie week gesê.

* Die familie pleit by almal om asseblief ook vir Johánrie te bid, aangesien sy tans hoë bloeddruk ondervind en ook bloedverdunners moet neem.

* Alex en Johánrie was van skooldae af al ’n paartjie. Hulle het in 2012 gematrikuleer.

 


FOTO: Johánrie en Alex in hul matriekjaar in 2012.

 Hulle sê hulle het net die mooiste herinneringe van hul skooldae by Kanonkop.

“Ons was nooit net ’n nommer nie... Ons was ’n naam.”

* Johánrie is ’n graad 2 juffrou by Laerskool Uitkyk en Alex ’n verkoopsbestuurder by SAC.

Hulle is inwoners van Middelburg.

 

 


Comments

Post a Comment

Popular posts from this blog

Image
KHS was die grondslag vir Juan se sukses Toe Juan Swart in 2023 met ses onderskeidings aan Hoërskool Kanonkop gematrikuleer het, het hy reeds die waardes van harde werk, dissipline en integriteit verstaan. Zelri Wehmeyer, Marené Venter, Juan en Buhle Shabangu kort na hul uitslae in Januarie 2024 in die Middelburg Observer gepubliseer is. Vandag, skaars drie jaar later, het dié oudleerling reeds verskeie bestuursposte beklee en bou hy steeds voort op die grondslag wat tydens sy skooljare by Kanonkop gelê is. Juan Swart vandag. Skool vorm karakter en werksetiek Juan sê Hoërskool Kanonkop het 'n bepalende rol gespeel in die vorming van sy karakter, waardes en werksetiek. "Die skool het my geleer om tussen reg en verkeerd te onderskei, na uitnemendheid te streef en met integriteit op te tree. Dit is beginsels wat ek vandag steeds in my persoonlike lewe en loopbaan toepas," vertel hy. Lisere Enslin, Eneri Smith, Xander Barnard en Juan tydens' n pretloop wat hulle 'n ...
Read more
Image
Oud Swartleeu Gerhard Swarts se merkwaardige reis Vir baie mense sou ’n ernstige rugbybesering en rolstoel die einde van hul drome beteken. Vir oud-Swartleeu Gerhard Swarts, wat in 2006 aan Hoërskool Kanonkop gematrikuleer het, was dit egter die begin van ’n merkwaardige reis van deursettingsvermoë, moed en sukses. Gerhard se lewe het drasties verander toe hy in graad 9 sy nek gebreek het tydens ’n rugbywedstryd teen Hoërskool Dr. Malan van Meyerton. Tog het hy geweier om hom deur sy omstandighede, ’n lewe in ’n rolstoel, te laat definieer. “Ek ondersteun nog altyd die underdogs . Ek hou daarvan om by ’n rugbyspan te wees wat as die underdogs beskou word. Wanneer jy so ’n hoë spinale besering het, voel jy self soos die underdog . En die ander teorie is dat jy in elk geval moet slaap en wakker word, so doen iets terwyl jy nog op aarde is.” vertel hy. “Baie van die mense het my half afgeskryf, en ek het dit as motivering gebruik.” Hy sê Hoërskool Kanonkop het ’n groot invloed ...
Read more
Image
  In die 99ste bestaansjaar van die Comrades, gaan Nadia Connoway dit die eerste keer aandurf.                                                                                                                                        -Daleen Naudé “Ek het gereken, om nommer 99 en 100 te hardloop, sal spesiaal wees,” sê dié oudleerling van Hoërskool Kanonkop. FOTO: Nadia Connoway afgeneem net nadat sy die Loskop marathon hierdie jaar voltooi het om te kwalifiseer vir die Comrades. Die Comrades op 14 Junie is vanjaar ’n opwedloop van 85.777km vanaf Durban na Pietermaritzburg. Maar hoe...
Read more