KHS GEE OM!

Minder as twee weke oor - help om baba Lumieke se hartoperasie moontlik te maak

Oor minder as twee weke, op 13 Julie, verwelkom Hoërskool Kanonkop-oudleerlinge Alex en Johánrie Hall hul dogtertjie, Lumieke.

Terwyl die egpaar saam met hul seuntjies, Zi-Jandré is (6) en Divandré (4), met verwagting die dae aftel om haar te ontmoet, wag daar kort ná haar geboorte 'n groot stryd op die klein dogtertjie.


Johánrie en Alex Hall met hul seuntjies, Zi-Jandré is (6) en Divandré (4).

'n 4D skandering het getoon dat Lumieke met 'n gaatjie, asook 'n gewas in haar hartjie gebore gaan word. 'n Hartoperasie sal verseker dat sy 'n normale lewe sal kan lei.

Die 4D skandering van Lumieke.

Die geskatte koste vir haar geboorte en operasie beloop sowat R400 000.

Hoewel Alex en Johánrie 'n mediese fonds het, is die pediatriese kardioloog wat die operasie moet uitvoer 'n uitgekontrakteerde spesialis, wat beteken dat hulle die mediese uitgawes self sal moet dek.

'n BackaBuddy-fonds is intussen gestig om die gesin te help om die mediese uitgawes te dek.

Tot dusver is net meer as R44 000 deur die fonds ingesamel, en saam met ander skenkings is daar tans ongeveer R60 000 beskikbaar – nog ver van die bedrag wat benodig word.

Johánrie het hierdie week gesê dat dit goed gaan met haar.

"Al wat nou vir ons saak maak, is almal se gebede."

Sy het haar opregte dank uitgespreek teenoor elke persoon wat reeds hul gesin ondersteun het.

"Ons wil familie, vriende, kollegas by Laerskool Uitkyk, asook elke onbekende persoon wat vir ons bid of 'n bydrae gemaak het, uit die diepte van ons harte bedank. Julle liefde en ondersteuning beteken ongelooflik baie vir ons."

Alhoewel die finansiële uitdaging steeds groot is, sê die egpaar dat hul grootste fokus nou is om hul dogtertjie veilig in hul arms te hou.

Lumieke se naam beteken "stralend" en "lig", en haar ouers glo sy gaan hoop bring vir almal wat haar verhaal volg.

Hoërskool Kanonkop wil die Middelburg-gemeenskap én mense regoor Suid-Afrika aanmoedig om die Hall-gesin te ondersteun.

Elke bydrae, hoe klein ook al, bring Lumieke 'n tree nader aan die hartoperasie wat haar die geleentheid bied om 'n normale, gesonde lewe te kan lei.

·      Om tot Lumieke se BackaBuddy-fonds by te dra, gaan op op die onderstaande skakel:

https://www.backabuddy.co.za/campaign/baby-lumieke-hall

Comments

Post a Comment

Popular posts from this blog

Image
KHS was die grondslag vir Juan se sukses Toe Juan Swart in 2023 met ses onderskeidings aan Hoërskool Kanonkop gematrikuleer het, het hy reeds die waardes van harde werk, dissipline en integriteit verstaan. Zelri Wehmeyer, Marené Venter, Juan en Buhle Shabangu kort na hul uitslae in Januarie 2024 in die Middelburg Observer gepubliseer is. Vandag, skaars drie jaar later, het dié oudleerling reeds verskeie bestuursposte beklee en bou hy steeds voort op die grondslag wat tydens sy skooljare by Kanonkop gelê is. Juan Swart vandag. Skool vorm karakter en werksetiek Juan sê Hoërskool Kanonkop het 'n bepalende rol gespeel in die vorming van sy karakter, waardes en werksetiek. "Die skool het my geleer om tussen reg en verkeerd te onderskei, na uitnemendheid te streef en met integriteit op te tree. Dit is beginsels wat ek vandag steeds in my persoonlike lewe en loopbaan toepas," vertel hy. Lisere Enslin, Eneri Smith, Xander Barnard en Juan tydens' n pretloop wat hulle 'n ...
Read more
Image
Oud Swartleeu Gerhard Swarts se merkwaardige reis Vir baie mense sou ’n ernstige rugbybesering en rolstoel die einde van hul drome beteken. Vir oud-Swartleeu Gerhard Swarts, wat in 2006 aan Hoërskool Kanonkop gematrikuleer het, was dit egter die begin van ’n merkwaardige reis van deursettingsvermoë, moed en sukses. Gerhard se lewe het drasties verander toe hy in graad 9 sy nek gebreek het tydens ’n rugbywedstryd teen Hoërskool Dr. Malan van Meyerton. Tog het hy geweier om hom deur sy omstandighede, ’n lewe in ’n rolstoel, te laat definieer. “Ek ondersteun nog altyd die underdogs . Ek hou daarvan om by ’n rugbyspan te wees wat as die underdogs beskou word. Wanneer jy so ’n hoë spinale besering het, voel jy self soos die underdog . En die ander teorie is dat jy in elk geval moet slaap en wakker word, so doen iets terwyl jy nog op aarde is.” vertel hy. “Baie van die mense het my half afgeskryf, en ek het dit as motivering gebruik.” Hy sê Hoërskool Kanonkop het ’n groot invloed ...
Read more
Image
  In die 99ste bestaansjaar van die Comrades, gaan Nadia Connoway dit die eerste keer aandurf.                                                                                                                                        -Daleen Naudé “Ek het gereken, om nommer 99 en 100 te hardloop, sal spesiaal wees,” sê dié oudleerling van Hoërskool Kanonkop. FOTO: Nadia Connoway afgeneem net nadat sy die Loskop marathon hierdie jaar voltooi het om te kwalifiseer vir die Comrades. Die Comrades op 14 Junie is vanjaar ’n opwedloop van 85.777km vanaf Durban na Pietermaritzburg. Maar hoe...
Read more