KHS GEE OM!

Baba Lumieke vorder goed, maar mediese kostes hoop op

Baba Lumieke is gebore! En alhoewel daar nog 'n gewas in haar hartjie ontdek is, het die een gaatjie in haar hart reeds toegegroei!

Klein Lumieke Hall.

Lumieke is op 7 Julie met 'n noodkeisersnee gebore. Sy het 2,785kg geweeg en is 49cm lank.

Haar ouers is Alex en Johánrie Hall, albei oudleerlinge van Hoërskool Kanonkop.

Reeds tydens Johánrie se swangerskap is hulle meegedeel dat Lumieke gaatjies, asook 'n gewas in haar hartjie het.

Intensiewe sorg ná geboorte

Kort ná haar geboorte is sy onmiddellik na die intensiewe sorgeenheid geneem, waar dokters haar vir sewe dae lank intensief gemonitor het. Verskeie toetse, waaronder EKG's, CT- en MRI-skanderings, is gedoen om haar hart en algemene gesondheid deeglik te evalueer.

Lumieke is tuis!

Volgens Johánrie is daar goeie nuus. Lumieke is tuis!

Alex en Johánrie Hall met hul kinders Divandré (4), klein Lumieke en Zi-Jandré (6).

"Dokters is baie tevrede met haar vordering, groei en hoe goed sy doen. Sy is oor die algemeen 'n gesonde babatjie."

Tydens die ondersoeke is vasgestel dat daar meer as een gewas teenwoordig is. Die goeie nuus is egter dat een van die gaatjies in haar hart reeds vanself toegegaan het, terwyl die ander een baie klein is.

"Die dokter is tevrede met hoe goed sy dit akkommodeer," sê Johánrie.

Dokters het nog nie besluit wanneer Lumieke se hartoperasie sal plaasvind nie.

Sy word op 3 Augustus weer in die hospitaal opgeneem vir opvolgtoetse om seker te maak dat sy steeds goed vorder en geen verdere komplikasies ontwikkel nie.

Mediese kostes bly 'n groot uitdaging

Hoewel Lumieke tans soos enige ander gesonde baba van haar ouderdom lyk, bly die finansiële uitdaging vir die Hall-egpaar enorm.

Die gesin wag nog vir die rekening vir haar verblyf in die intensiewe sorgeenheid, terwyl die mediese uitgawes wat hulle reeds self moet betaal, meer as R50 000 beloop.

Die BackaBuddy-fonds wat vroeër gestig is om die gesin te ondersteun, het die afgelope tyd ook min beweging getoon.

Dankbaar vir elke gebed en bydrae

Johánrie sê hulle is egter oorweldig deur die liefde en ondersteuning wat hulle reeds ontvang het.

"Ons waardeer elke bydrae, oproep en boodskap. Ook die kommentare van almal wat sê hulle verstaan waardeur ons gaan. Dit maak hierdie pad vir ons al klaar baie makliker."

Hoërskool Kanonkop doen weer 'n beroep op die Middelburg-gemeenskap en mense regoor die land om die Hall-gesin te ondersteun. Elke bydrae, hoe klein ook al, bring hulle 'n tree nader daaraan om Lumieke die beste moontlike mediese sorg te gee en haar die kans op 'n gesonde toekoms te bied.

Om 'n bydrae vir die BackaBuddy fonds te maak, gaan in op hierdie skakel:




Comments

Post a Comment

Popular posts from this blog

Image
KHS was die grondslag vir Juan se sukses Toe Juan Swart in 2023 met ses onderskeidings aan Hoërskool Kanonkop gematrikuleer het, het hy reeds die waardes van harde werk, dissipline en integriteit verstaan. Zelri Wehmeyer, Marené Venter, Juan en Buhle Shabangu kort na hul uitslae in Januarie 2024 in die Middelburg Observer gepubliseer is. Vandag, skaars drie jaar later, het dié oudleerling reeds verskeie bestuursposte beklee en bou hy steeds voort op die grondslag wat tydens sy skooljare by Kanonkop gelê is. Juan Swart vandag. Skool vorm karakter en werksetiek Juan sê Hoërskool Kanonkop het 'n bepalende rol gespeel in die vorming van sy karakter, waardes en werksetiek. "Die skool het my geleer om tussen reg en verkeerd te onderskei, na uitnemendheid te streef en met integriteit op te tree. Dit is beginsels wat ek vandag steeds in my persoonlike lewe en loopbaan toepas," vertel hy. Lisere Enslin, Eneri Smith, Xander Barnard en Juan tydens' n pretloop wat hulle 'n ...
Read more
Image
Oud Swartleeu Gerhard Swarts se merkwaardige reis Vir baie mense sou ’n ernstige rugbybesering en rolstoel die einde van hul drome beteken. Vir oud-Swartleeu Gerhard Swarts, wat in 2006 aan Hoërskool Kanonkop gematrikuleer het, was dit egter die begin van ’n merkwaardige reis van deursettingsvermoë, moed en sukses. Gerhard se lewe het drasties verander toe hy in graad 9 sy nek gebreek het tydens ’n rugbywedstryd teen Hoërskool Dr. Malan van Meyerton. Tog het hy geweier om hom deur sy omstandighede, ’n lewe in ’n rolstoel, te laat definieer. “Ek ondersteun nog altyd die underdogs . Ek hou daarvan om by ’n rugbyspan te wees wat as die underdogs beskou word. Wanneer jy so ’n hoë spinale besering het, voel jy self soos die underdog . En die ander teorie is dat jy in elk geval moet slaap en wakker word, so doen iets terwyl jy nog op aarde is.” vertel hy. “Baie van die mense het my half afgeskryf, en ek het dit as motivering gebruik.” Hy sê Hoërskool Kanonkop het ’n groot invloed ...
Read more
Image
  In die 99ste bestaansjaar van die Comrades, gaan Nadia Connoway dit die eerste keer aandurf.                                                                                                                                        -Daleen Naudé “Ek het gereken, om nommer 99 en 100 te hardloop, sal spesiaal wees,” sê dié oudleerling van Hoërskool Kanonkop. FOTO: Nadia Connoway afgeneem net nadat sy die Loskop marathon hierdie jaar voltooi het om te kwalifiseer vir die Comrades. Die Comrades op 14 Junie is vanjaar ’n opwedloop van 85.777km vanaf Durban na Pietermaritzburg. Maar hoe...
Read more