Naggholf en 35 jaar feesvieringe is hier!

Die amptelike opening van die E-Golf Gholfakademie, asook die 35 jaar feesvieringe van Hoërskool Kanonkop is uiteindelik hier!

Alles is gereed vir die amptelike opening van die E-Golf Gholfakademie Vrydagaand.

Die hekke open Vrydag reeds om 14:00 vir oudleerders met ’n middag en aand vol vermaak en aktiwiteite.

Die gholfakademie se amptelike verrigtinge en lintknipseremonie begin om 18:00. Hiertydens sal die Bulldogs rugbyspan ook hul spandrag ontvang.

Afslaan is om 18:30.

Die naggholf-inskrywings beloop R150 per persoon en as jy nog jou plek wil verseker, stuur vir Dirkie Strydom (071 687 3909) of Nico Hough (071 290 7627) ‘n WhatsApp.

Daar sal boereworsrolle teen R40 en skaapspitbroodjies teen R80 te koop wees, asook iets vir die soettand. Besoekers kan ook ’n beker met die skool se wapen op laat druk by een van die stalletjies.

Boonop is daar Wifi beskikbaar vir almal wat saamkuier!

Nico Hough sorg dat almal Wifi het wat by die E-Golf Gholfakademie kom kuier.

Daniel Hoffman sal vir vermaak sorg, terwyl die jonger besoekers ’n springkasteel, gesigverf en ’n speelgoedstalletjie kan geniet.

·      *  Een van die borge, Jaco Prinsloo van Destrilinx Stainless (Pty) Ltd en sy span, het ’n draai by die gholfakademie gemaak en sien ook uit na die eerste naggholf. Destrilinx voorsien die vlekvrye staal-grawe en -aanstekers wat tydens die opening vir die vure gebruik sal word.


Aaron Skosana, Martin Fernandes en Jaco Prinsloo (eienaar), van Distrilinx Stainless, saam met Dirkie Strydom en Rudi Geyser, van Hoërskool Kanonkop.

Gholfakademie gaan KHS-spelers se gholfvaardighede opskerp

Hoërskool Kanonkop se gholfspelers staan op die drumpel van ’n nuwe hoofstuk, met die nuwe gholfakademie wat ’n permanente plek op die skoolterrein kry.

Die skool sien daarna uit om hande te vat met oudleerder Nico Hough, wat die afgelope 12 weke hard gewerk het om die nuwe negeputjie-Par 3-baan te ontwikkel.

Nico Hough het die E-Golf Gholfakademie ontwikkel.

Die doel is nie net om leerders die geleentheid te gee om hul gholfvaardighede te verbeter nie, maar ook die res van ons Middelburg gemeenskap ‘n geleentheid te bied om spanbou te doen.

Die skool bedank graag vir Nico dat hy sy hart oopgemaak het vir die leerders van KHS om ’n fasiliteit te skep wat ook hulle ten volle kan benut.






*


*

 


Comments

Post a Comment

Popular posts from this blog

Image
KHS was die grondslag vir Juan se sukses Toe Juan Swart in 2023 met ses onderskeidings aan Hoërskool Kanonkop gematrikuleer het, het hy reeds die waardes van harde werk, dissipline en integriteit verstaan. Zelri Wehmeyer, Marené Venter, Juan en Buhle Shabangu kort na hul uitslae in Januarie 2024 in die Middelburg Observer gepubliseer is. Vandag, skaars drie jaar later, het dié oudleerling reeds verskeie bestuursposte beklee en bou hy steeds voort op die grondslag wat tydens sy skooljare by Kanonkop gelê is. Juan Swart vandag. Skool vorm karakter en werksetiek Juan sê Hoërskool Kanonkop het 'n bepalende rol gespeel in die vorming van sy karakter, waardes en werksetiek. "Die skool het my geleer om tussen reg en verkeerd te onderskei, na uitnemendheid te streef en met integriteit op te tree. Dit is beginsels wat ek vandag steeds in my persoonlike lewe en loopbaan toepas," vertel hy. Lisere Enslin, Eneri Smith, Xander Barnard en Juan tydens' n pretloop wat hulle 'n ...
Read more
Image
Oud Swartleeu Gerhard Swarts se merkwaardige reis Vir baie mense sou ’n ernstige rugbybesering en rolstoel die einde van hul drome beteken. Vir oud-Swartleeu Gerhard Swarts, wat in 2006 aan Hoërskool Kanonkop gematrikuleer het, was dit egter die begin van ’n merkwaardige reis van deursettingsvermoë, moed en sukses. Gerhard se lewe het drasties verander toe hy in graad 9 sy nek gebreek het tydens ’n rugbywedstryd teen Hoërskool Dr. Malan van Meyerton. Tog het hy geweier om hom deur sy omstandighede, ’n lewe in ’n rolstoel, te laat definieer. “Ek ondersteun nog altyd die underdogs . Ek hou daarvan om by ’n rugbyspan te wees wat as die underdogs beskou word. Wanneer jy so ’n hoë spinale besering het, voel jy self soos die underdog . En die ander teorie is dat jy in elk geval moet slaap en wakker word, so doen iets terwyl jy nog op aarde is.” vertel hy. “Baie van die mense het my half afgeskryf, en ek het dit as motivering gebruik.” Hy sê Hoërskool Kanonkop het ’n groot invloed ...
Read more
Image
  In die 99ste bestaansjaar van die Comrades, gaan Nadia Connoway dit die eerste keer aandurf.                                                                                                                                        -Daleen Naudé “Ek het gereken, om nommer 99 en 100 te hardloop, sal spesiaal wees,” sê dié oudleerling van Hoërskool Kanonkop. FOTO: Nadia Connoway afgeneem net nadat sy die Loskop marathon hierdie jaar voltooi het om te kwalifiseer vir die Comrades. Die Comrades op 14 Junie is vanjaar ’n opwedloop van 85.777km vanaf Durban na Pietermaritzburg. Maar hoe...
Read more